Esker onak
GaituzSport saria, lehiaketa-kirolaren arloko praktika inklusibo onei
GaituzSport sariek pertsonek eta erakundeek jarduera fisikoaren eta kirolaren bidez egiten duten lan eredugarria aitortzen dute, gizarte inklusiboagoa, osasungarriagoa, bidezkoagoa eta berdintasunezkoagoa lortzeko.
Fortuna Kirol Klubarekin batera BEHOBIA – DONOSTIA antolatzeagatik. Desgaitasuna duten pertsonak karreran sartzeko konpromisoagatiko saria, aukera-berdintasuna sustatuz.
2021ko Gipuzkoako Boluntarioen Saria
Gipuzkoako Boluntariotzaren Sariaren helburua ikuspegi sozial, humanitario eta/edo solidariotik komunitateari emandako bokazioagatik eta zerbitzuagatik nabarmendu diren boluntariotzako pertsona edo erakunde sozialen ibilbidea publikoki aitortzea da; interes orokorreko programetan parte hartu dutenak, kaltetutako kolektiboei laguntzeko eta/edo berdintasuna, giza eskubideak, osasuna, gizarteratzea, kultura, kirola, babes zibila, gazteria, ingurumena babestea edo garapenerako lankidetza sustatzeko. Horrela, gero eta solidarioagoa den Gipuzkoa sortzen lagunduz.
Euskal Kirolaren Balioen Deusto Saria
Euskal kirolaren balioen defentsan eta sustapenean bereziki esanguratsuak izan diren pertsona, entitate edo ekimenak saritzea eta publikoki aitortzea da bere helburua.
2018ko ahalegin eta berrikuntza saria
Arriskuak eta Larrialdiak Kudeatzeko XII. Jardunaldien barruan, Ahaleginaren eta Berrikuntzaren Saria. Udalak, Udaltzaingoak, Donostiako Suhiltzaileak eta MARSek antolatuta.
2017ko Hiritar Merezimenduaren Domina
Urtero, San Sebastian jaiekin bat eginez, Udalak Hiritar Merezimenduaren Domina ematearekin hiriari aparteko izaerako zerbitzuak eskaini edo ematen dituzten pertsona edo entitateak bereizten ditu.
ONCEren 2017ko Urrezko Kriskitina
Desgaitasuna duten pertsonak gizarteratzeko egindako ekarpena aitortzeko.
2016ko Gizarte Balioen DYA Saria
Elkartasunaren, talde-lanaren, ahaleginaren edo konpromisoaren sustapenarekin konprometituta dauden pertsonak edo erakundeak publikoki aitortzeko sortu zen sari hau eta balio horiek gal ez daitezen eta belaunaldi berriei eskain diezaiekegun ondarearen parte izaten jarrai dezaten lortzeko apustu irmoaren barruan kokatzen da..